बाजे बाजे रम्य बीणा बाजे …

गेल्या वर्षी ख्रिसमस च्या सुट्टीत ब्रिसबेन हुन सिडनी रोड ट्रिप केली होती..ती आमची पहिली दूर पल्ल्याची रोड ट्रिप..एकूण १,००० किमी चा प्रवास…जाताना हाय वे ने गेलो….ताशी १०० – ११० किमी चे स्पीड लिमिट..आणि मोटर वे ने गेले कि एकूण वेळ पण कमी लागतो..

पण येताना ठरवले, सिडनी हुन ब्रिस्बेन पूर्ण रस्ता एन्जॉय करायचा..त्यावेळी हाय वे वगळून tourist drive चा मार्ग निवडला..हे drive ways समुद्र किनाऱ्यालगत असतात..वेग कमी ठेवावा लागतो..वेळ जास्त लागतो..पण पूर्ण निसर्ग रम्य रस्ते..कधी समुद्र..तर कधी जंगले, झाडीतून रस्ता जातो..त्यावेळी जाताना गाडीत हे गाणे सुरु होते….बाजे बाजे रम्य वीणा बाजे…एका बाजूला उफाळलेला समुद्र..त्या उंच उठणाऱ्या लाटांवर स्वार झालेले सर्फर्स…..आणि त्यावेळी ह्या गाण्याची हि ओळ उमटत होती….’तपन तारा नाचे …नदी समुद्र नाचे….’ त्यावेळेला अगदी अनुरूप… ईश्वर वीणेच्या सुरात संपूर्ण जगत आनंदाने झंकारतेय… असा ह्या कवितेचा भावार्थ…

বাজে বাজে রম্যবীণা বাজে–
              অমলকমল-মাঝে, জ্যোৎস্নারজনী-মাঝে,
              কাজলঘন-মাঝে, নিশি-আঁধার-মাঝে,
              কুসুমসুরভি-মাঝে বীনরণন শুনি যে–
                   প্রেমে প্রেমে বাজে॥
              নাচে নাচে রম্যতালে নাচে–
              তপন তারা নাচে, নদী সমুদ্র নাচে,
              জন্মমরণ নাচে, যুগযুগান্ত নাচে,
              ভকতহৃদয় নাচে বিশ্বছন্দে মাতিয়ে–
                    প্রেমে প্রেমে নাচে॥
              সাজে সাজে রম্যবেশে সাজে–
              নীল অম্বর সাজে, ঊষাসন্ধ্যা সাজে,
              ধরণীধূলি সাজে, দীনদুঃখী সাজে,
              প্রণত চিত্ত সাজে বিশ্বশোভায় লুটায়ে–
                    প্রেমে প্রেমে সাজে॥

हे गाणे मराठीत..

बाजे बाजे रम्य वीणा बाजे..

(झणकारतेय रम्य वीणा..)

अमल कमल माझे, ज्योत्स्ना रजनीं माझें ..

(कमल फुलात…ज्योत्स्ना रात्री … (माझे – मध्ये) )

काजल घन माझे, निशी आधार माझे…

(सावळ्या नभी….रात्रीच्या अंधारात….)

कुसुम सुरभी माझे बीन रण न शुनि जे –

(ऐकू येतात वीणेचे सूर फुलांच्या सुवासात..)

प्रेमे प्रेमे बाजे …

(प्रेम स्वरूप झंकार..)

नाचे नाचे रम्य ताले नाचे —

(नृत्य करताहेत रम्य तालात….)

तपन तारा नाचे , नदी समुद्र नाचे,

(सूर्य तारे. ..नदी समुद्र. नाचताहेत..)

जन्म मरण नाचे, जुग जु गान्त नाचे,

(जन्म मरण…युग युगांत नाचताहेत..)

भक्त हृदय नाचे, विश्व छंदे मातिये —

(भक्ती भावाने …विश्व छंदात रमून…)

प्रेमे प्रेमे नाचे….

((सर्वत्र) प्रेममय नर्तन….)

साजे साजे रम्य वेशे साजे —

(सजलेय सुंदर वेशात…)

नील अंबर साजे , उषा संध्या साजे–

(नील आकाश..उषा संध्या…सजलीत...)

धरणी धुली साजे, दीन दुःखी साजे–

(धरणी ची धूळ …दीन दुःखी (सर्व) सजलीत..)

प्रण त चित्त साजे विश्व शोभाय लुटा ये —

(प्रेम चित्त भारलेय विश्व सुंदरतेने…)

प्रेमे प्रेमे साजे..

(सारे काही प्रेम मय ..)

हे गाणे इथे देत आहे सागर सेन ह्यांच्या स्वरात….